გარდაიცვალა საქართველოს დამსახურებული მწვრთნელი პროფესორი გურამ რატიშვილი. ქართული ძიუდოს წარმატებებში მისი წვლილი უდიდესია. ნათელში ამყოფოს ღმერთმა მისი სული.
გურამ რატიშვილი
დაიბადა 1935 წლის 7 მაისს თბილისში.
1959 წელს დაამთავრა მოსკოვის სახელმწიფო ცენტრალური ფიზიკური კულტურის ინსტიტუტი.
1961-1973 წლებში მუშაობდა მოსკოვში საკავშირო სამეცნიერო-კვლევით ინსტიტუტში მეცნიერმუშაკად. იმავე წლებში იყო საბჭოთა კავშირის ნაკრები გუნდების ბერძნულ-რომაული და თავისუფალი ჭიდაობის კომპლექსური სამეცნიერო ჯგუფის წევრი, ხოლო 1970 წელს დაინიშნა ძიუდოში ამ ჯგუფის ხელმძღვანელად.
1973-1984 წლშბი იყო საქართველოს ფიზიკური კულტურის ინსტიტუტის ჭიდაობის კათედრის დოცენტი.
1982-2006 წლებში ჭიდაობის კათედრის გამგე.
200-2009 წლებში იყო საქართველოს ძიუდოისტთა ნაკრების სამეცნიერო ჯგუფის ხელმძღვანელი.
2006 წლიდან ილიას სახელმწიფო უნივერსიტეტის ბიზნესისა და სამართლის ფაკულტეტის ცენტრის „სპორტის აკადემიის“ პროფესორი.
გამოქვეყნებული აქვს 90-ზე მეტი სამეცნიერო შრომა და ერთი მონოგრაფია
დაჯილდოებულია ღირსების ორდენითა და მედლით
საქართველოს ძიუდოს ფედერაცია სამძიმარს უცხადებს გარდაცვლილის ოჯახს