საქართველოს ძიუდოისტთა ნაკრები თურქეთის ქალაქ ანტალიაში გაემგზავრა, სადაც 10 მაისიდან 22 მაისამდე ევროპის ძიუდოს კავშირი საერთაშორისო  საწვრთნელ შეკრებას მართავს. 23 მაისს კი ნაკრები თურქეთიდანვე გაემგზავრება რუსეთის ქალაქ ტიუმენში, სადაც 25-26 მაისს ძიუდოს საერთაშორისო ფედერაციის ეგიდით გამართულ მასტერსში იასპარეზებს.

   ანტალიის შეკრებაზე იქნებიან ძიუდოისტები: ამირან პაპინაშვილი, ლაშა შავდათუაშვილი, შალვა ქარდავა, ზებედა რეხვიაშვილი, ნუგზარ ტატალაშვილი, ავთანდილ ჭრიკიშვილი, ლევან წიკლაური, ვარლამ ლიპარტელიანი, ზვიად გოგოჭური, ლევან ჟორჟოლიანი, ადამ ოქრუაშვილი. მწვრთნელები: ირაკლი უზნაძე, გიორგი ვაზაგაშვილი და დავით ასუმბანი