ევროპის ჩემპიონატის დასკვნით მესამე დღეს საქართველოს ნაკრების ძიუდოისტებმა თავის მონაგარს კიდევ 3 ბრინჯაოს მედალი შემატეს: ევროპის ჩემპიონატის ბრინჯაოს პრიზიორები გახდნენ: ბექა ღვინიაშვილი (-90კგ), გურამ თუშიშვილი და ლევან მატიაშვილი (ორივე +100კგ).
აღსანიშნავია, რომ ამ დღეს მოასპარეზე ოთხივე ქართველმა ძიუდოისტმა ასპარეზობა კარგად დაიწყო და ნახევარფინალშიც გააღწია, თუმცა ფინალში ვერც ერთი ვერ გავიდა.
-90კგში ბექა ღვინიაშვილმა მეოთხედფინალში მსოფლიოს მოქმედ ჩემპიონს ნიდერლანდელ ვანტ ენდს მოუგო, ნახევარფინალში დამარცხდა მსოფლიოს ექს-ჩემპიონთან სერბ ნემანია მაიდოვთან, ხოლო მესამე ადგილისთვის შეხვედრაში მსოფლიოს კიდევ ერთი ექს-ჩემპიონი ესპანეთის სახელით მოასპარეზე ნიკოლოზ შერაზადიშვილი დაამარცხა.
+100კგ-ში გურამ თუშიშვილი და ლევან მატიაშვილი ნახევარფინალში რუს ძიუდოისტებთან დამარცხდნენ. მესამე ადგილისთვის შეხვედრაში თუშიშვილმა ოლიმპიური ჩემპონი ჩეხი ლუკაშ კრპალეკი დაამაცხა, ხოლო მატიაშვილმა ავსტრიელი სტეპან ჰეგი.
-100კგ-ში ევროპის ჩემპიონატზე თავის მეათე მედალთან ახლოს იყო ვარლამ ლიპარტელიანი, რომელმაც ასევე იჭიდავა ნახევარფინალში, თუმცა შეიძლება ითქვას, რომ მსაჯების სადავო გადაწყვეტილებებმა იგი მედლის გარეშე დატოვა.
