„მასტერ კლასი“ ნორჩი ძიუდოისტებისთვის 10 აპრილი - ახმეტა, 11 აპრილი - გურჯაანი, 12 აპრილი - საგარეჯო საქართველოს ძიუდოს ფედერაცია თბილისში გასამართი 2015 წლის ევროპის ახალგაზრდული ოლიმპიური ფესტივალისთვის მზადების პროგრამის ფარგლებში საწვრთნელი პროცესის ოპტიმალურად წარმართვის პრაქტიკული დახმარების მიზნით სპორტისა და ახალგაზრდობის სამინისტროსთან ერთად 1999-2000 წლებში დაბადებული ძიუდოისტებისთვის და მათი მწვრთნელებისთვის იწყებს რეგიონებში „მასტერ კლასის“ ვარჯიშების ჩატარებას. პირველი რეგიონი, სადაც მსგავსი ვარჯიშები დაიგეგმა არის კახეთი, სადაც “მასტერ კლასი“ ჩატარდება 10-12 აპრილს. ვარჯიშები ჩატარდება სამ რაიონულ ცენტრში (ახმეტა, გურჯაანი, საგარეჯო), სადაც დამტკიცებული განაწილების მიხედვით ჩავლენ მწვრთნელები და ძიუდოისტები ახლომდებარე რაიონებიდან. 9.04.2012
|